Day (11) - Clothes

 

Day (11) - Clothes

🌻ဒီနေ့အတွက် စာပုဒ်ကျနော် မထည့်ထားပါဘူး။ စာပုဒ်အစား လေ့ကျင့်ခန်းတစ်ခုပေးပါမယ်။ အဝတ်အစားပုံလေးတွေနဲ့ သက်ဆိုင်ရာစာလုံးကို တွဲပေးရမှာပါ။ ကျနော်အနေနဲ့ ဒါကဘာ၊ ဒါကဘာဆိုပြီးပြောလိုက်လို့ရပေမယ့် ကိုယ့်ဘာသာရှာကြည့်ရင် ပိုမှတ်မိအောင်လို့ပါ။ ဒါကြောင့် ဒီလေ့ကျင့်ခန်းကို ပေးထားတာပါ။ လေ့ကျင့်ခန်းလုပ်ပြီးရင် ကျနော် Grammar နဲ့ ပတ်သက်တာရှင်းပါမယ်။ ဒီနေ့ Grammar ကနည်းနည်းများပြီးတော့ နည်းနည်းလေးခက်တယ်ပေါ့နော်။ ဒါကြောင့်သေချာလေး အာရုံစိုက်လေ့လာဖို့ အကြံပေးပါတယ်။

🌻-ssa/ssä နဲ့ -lla/llä
တချို့ noun တွေ၊ နေရာတွေမှာ ssa/lla ဆုံးတာ သတိထားမိမယ်ထင်ပါတယ်။ နှစ်ခုလုံးက English preposition (in, at) နဲ့ အဓိပ္ပာယ်ဆင်ပါတယ်။ ဘာတွေကွာလဲကြည့်ရအောင်။

-ssa ဆိုရင် သူ့အဓိပ္ပာယ်က နေရာတစ်ခုခုရဲ့အထဲ၊ တကယ့်အတွင်းထဲမှာ။
ဥပမာ - koulussa, metsässä, kaupassa ကျောင်းထဲမှာ၊ တောထဲမှာ၊ စျေးဆိုင်မှာ စသဖြင့်ပေါ့။

-lla ကကျတော့ open space သဘောမျိုးမှာ ရောက်နေတာမျိုး။
ဥပမာ - koululla, metsällä, kaupalla
ကျောင်းမှာဆိုပေမဲ့ ကျောင်းအဆောက်အအုံအထဲမှာ မဟုတ်တာမျိုး။ ကျောင်းနားလေးက ကစားကွင်း၊ ကလေးကို ကျောင်းလာပို့ရင်းနဲ့ ကျောင်းနားလေးရောက်နေတာမျိုး
တောထဲမှာမဟုတ်ပဲ တောစပ်လေးမှာလမ်းလျှောက်နေတာမျိုး
ဆိုင်ထဲမှာမဟုတ်ပဲ ဆိုင်အပြင်ဘက်ကစားပွဲမှာ ကော်ဖီသောက်နေတာမျိုး၊ ဆိုင်အပြင်ကားရပ်ထားတဲ့နေရာမျိုး။ ဒီလိုအဓိပ္ပာယ်ပေါ့နော်။

🌻အခု -ssa/ -lla အကြောင်းသေချာသိသွားပြီဆိုတော့ သူတို့နာမည်တွေပြောပြပါမယ်။
Inessiivi - ssa
Elatiivi - sta
illatiivi - သူကကျအဆုံးသတ်ကိုပုံသေပြောမရလို့ မထည့်တော့ပါ။

Elatiivi - sta
-ssa ကအတွင်းထဲမှာဆိုတော့ -sta က from။ နေရာတစ်နေရာကနေ ထွက်ခွါတာမျိုး၊ ယူလာတာမျိုးပေါ့။
ဥပမာ - koulusta, metsästä, kaupasta
ကျောင်းမှ၊ တောမှ၊ ဆိုင်မှ

illatiivi
-sta က fromဆိုတော့ illative က to ။ ရန်ကုန်မှ တောင်ကြီးသို့ အဲ့လိုမျိုးပေါ့နော်။ ကျနော်အပေါ်မှာ ပြောခဲ့တယ်။ illatiivi ကအဆုံးသတ်ပုံသေပြောမရဘူးဖြစ်နေတယ်။ ဒါကြောင့် ဥပမာလေ့တွေကြည့်ရအောင်။
ဥပမာ - kouluun, metsään, kauppaan
ကျောင်းသို့၊ တောသို့၊ ဆိုင်သို့ (ဒါကိုကြည့်မယ်ဆိုရင် အကြမ်းဖျင်းအနေနဲ့ အဆုံးသတ်ကဘယ်လိုလဲ သိမယ်ထင်ပါတယ်။ မူရင်းစာလုံးရဲ့အဆုံးသတ်စာလုံးကို နောက်တစ်ကြိမ်ထပ်ထည့်ပြီး N ပေါင်းထည့်တာမျိုးပေါ့နော်။ ချွင်းချက်တွေလည်းရှိနေတာမို့ ဒီလိုမျိုးအမြဲပုံသေမမှတ်ထားပါနဲ့။ အသေးစိတ်ပြောင်းနည်းကတောဘ အတန်းမြင့်ရင် သင်ရပါလိမ့်မယ်။ )

🌻နောက်တစ်ခုက -lla, -lta, -lle. Adessiivi, ablatiivi, allatiivi ဒီလိုခေါ်တယ်ပေါ့နော်။

🌻ကျနော်အပေါ်မှာ -ssa/-lla ကိုရှင်းပြထားတာရယ်၊ ပုံထဲမှာ နှစ်မျိုးကို နှိုင်းယှဉ်ပြထားတာရယ်ကိုကြည့်ပြီးတော့ ဒီသုံးမျိုးရဲ့အသုံးပြုပုံကို ကြိုးစားပြီး မှန်းကြည့်ပါ။ မနက်ဖြန်ကျရင် ကျနော်ဒီpost မှာပဲ ရှင်းပြတဲ့စာထည့်ပေးထားပါမယ်။ ဒီနေ့အတွက်ကတော့ ဒီလောက်ပါပဲဗျာ။

#learnfinnish #finnish #finland #selfstudy