Day (4) - Negative and Questions
.jpg)
ဒီနေ့ ကျနော်တို့ Grammar အပိုင်းဖြစ်တဲ့ အငြင်း(negative) နဲ့ မေးခွန်း(question) အပိုင်းတွေကို သွားပါမယ်။ Grammar ပိုင်းကို အဓိကထားသွားမှာမို့လို့ ကျက်စာပိုင်းကို ကျနော်မထည့်ထားပါဘူး။
အခုက အငြင်းအကြောင်းပြောပါမယ်။အခု ကျနော် verb တွေအကြောင်းပြောပါမယ်။ Fin မှာ verb type 6 မျိုးရှိပါတယ်။ verb တွေကို သူတို့ရဲ့ အဆုံးသတ်စာလုံးနဲ့ ခွဲထားပါတယ်။ ဒီနေ့က ကျနော် verb type 1 ကိုပြောပြမှာပါ။Type 1 verb တွေသည် အသုံးအများဆုံး verb တွေဖြစ်ပါတယ်။ (-aa, -ea, -eä, -ia, -iä, -oa, -ua, -yä, -ää, -öä) စတာတွေနဲ့ ဆုံးပါတယ်။ (အကြမ်းအားဖြင့် သရနှစ်ခုနဲ့ဆုံးတယ်လို့ မှတ်လို့းပါတယ်)
အခု verb type 1 ကို ဘယ်လို conjugate လုပ်ရလဲပြောပြပါ့မယ်။ နောက်ဆုံးအဆုံးသတ်ဖြစ်တဲ့ -a or -ä ကို ဖြုတ်ပါ။ ဖြုတ်ပြီးရင် ကိုယ်သုံးမယ့် pronoun/ subject နဲ့ဆိုင်တဲ့ personal ending ထည့်ပါ။ ဥပမာ minä ဆိုရင် n ထည့်ပါ။
ဥပမာစရေးပြပါ့မယ်။
Puhua - speak
နောက်ဆုံးအဆုံးသတ်ဖြစ်တဲ့ -a ကိုဖြုတ်ပါ။ ဖြုတ်ပြီးရင် သက်ဆိုင်ရာ personal ending ကိုထည့်ပါ။
Minä puhun ( puhua, a ကိုဖြုတ် n ထည့် )
Sinä puhut ( puhua, a ကိုဖြုတ် t ထည့် )
Me puhumme ( puhua, a ကိုဖြုတ် -mme ထည့် )
Te puhutte ( puhua, a ကိုဖြုတ် -tte ထည့် )
He puhuvat ( puhua, a ကိုဖြုတ် -vat ထည့် )
Hän puhuu ( puhua a ကိုဖြုတ် u ထည့် )
*Hän မှာတစ်ခုသတိထားစရာရှိပါတယ်။ verb type 1 မှာဆိုရင် အဆုံးသတ်ဖြုတ်ပြီး ကျန်တဲ့အဆုံးသတ် vowel ကိုပဲ ပြန်ရေးပေးရပါတယ်
puhua a ကိုဖြုတ်ပြီးသွားရင် puhu ဆိုပြီးကျန်ပါတယ် puhu မှာ uကို တစ်ကြိမ်ထပ်ထည့်လိုက်တာပါ
ဒါကကျနော် verb type 1 ကိုသင်ပေးလိုက်တာပါ။ တကယ်တော့ သင်ပေးဖို့ စောလွန်းပါသေးတယ်။ ဒါပေမဲ့ ဒီလိုသိထားရင် verb တွေရဲ့ သဘာဝကို ပိုနားလည်နိုင်တာမို့ ပြောပြထားတာပါ။
အခု verb type 1 ကို conjugate လုပ်တတ်ပြီဆိုတော့ အငြင်းဘယ်လိုရေးမလဲသင်ပေးပါ့မယ်။ကျနော်တို့ verb type 1 က verb တွေကို conjugate လုပ်ဖို့ဆိုရင် နောက်ဆုံးနေရာက -a/ -ä ကို ဖြုတ်ရပါတယ်။ ** အငြင်းစာလုံး en/et/ei …စတာတွေရဲ့နောက်မှာ -a/ -ä ကို ဖြုတ်ပြီးသား personal ending မထည့်ထားတဲ့ verb ကိုထားရပါတယ်။
Minä နဲ့ puhua ကို အငြင်းရေးကြည့်ရအောင်။ 1.Minä ဖြစ်တဲ့အတွက် အငြင်းစာလုံးသည် en ကိုသုံးရတယ်။
2.အငြင်းစာလုံးနောက်မှာ -a/ -ä ကို ဖြုတ်ပြီးသား personal ending မထည့်ထားတဲ့ verb ( တနည်းအားဖြင့် puhu-) ကိုထည့်တယ်
3.ဆိုတော့ Minä en puhu
(ကျန်တဲ့ pronoun တွေကို ထိုနည်းတူစဉ်းစားပြီး ရေးကြည့်ပါ။ ပုံထဲမှာလည်း ကျနော်ရေးပြထားပါတယ်။ puhua အပြင် အခြားverb type 1 ထဲက ဥပမာ3ခုကို ပုံထဲမှာရေးပေးထားပါတယ် စမ်းပြီးရေးကြည့်ပါ။)
နောက်တစ်ခုက မေးခွန်းပါ။ပထမဆုံးအနေနဲ့ မေးခွန်းစာလုံးတွေမှတ်ရပါမယ်။kuka - who
kuinka - how
milloin - when
mikä(olla verb) - what
mitä(muut verbit) - what
miksi - why
mikämaalainen - what nationality
missä - where
mistä - from where
mihin - to where
millainen - what kind of
တစ်ခုရှင်းပြချင်တာက mikä နဲ့ mitä ပါ။ နှစ်ခုလုံးက what ကိုမေးတာပါပဲ။ ဘယ်မှာကွာသွားလဲဆိုတော့ what is this ဒီလိုမျိုး verb to be (olla) နဲ့မေးတဲ့ what ဆိုရင် mikä ပါ။ what language do you speak? Olla မဟုတ်တဲ့ အခြား Main verbဆိုရင် mitä ကိုသုံးပါ။ ဒါဆိုနားလည်မယ်လို့ ထင်ပါတယ်။အခုမေးခွန်းစာကြောင်း ဘယ်လိုပြောင်းမလဲ သင်ပါတော့မယ်။ နှစ်ပိုင်းခွဲပါမယ်နော်။ ပထမပိုင်းက မေးခွန်းစာလုံး kuka, mikä .. စတာတွေနဲ့ မေးတဲ့မေးခွန်းပါ။မေးခွန်းဆိုတဲ့အတွက် မေးချင်တဲ့မေးခွန်းနဲ့စလိုက်ပါ။
1.Kuka - Who
Who are you ကိုမေးချင်တယ်ဆိုရင်
Who ဆိုတဲ့အတွက် Kuka နဲ့စပါ။
Eng မှာ who are you မှာ are you လို့ရေးပေမဲ့ Fin မှာတော့ အတည့်ပဲရေးပါတယ်။ - sinä olet
ဒါကြောင့် မေးခွန်းသည် Kuka sinä olet? (မင်းဘယ်သူလဲ)
2.Kuinka - How
How old are you? ဒီစာကြောင်းမှာ How ရဲ့နောက်က adj လိုက်တာကို သတိထားပါ။ Fin မှာလဲ ထိုနည်းတူပါပဲ
Kuinka + adj - Kuinka vanha (How old)
are you သည် sinä olet
ဒါကြောင့်မေးခွန်းသည် Kuinka vanha sinä olet? (မင်းအသက်ဘယ်လောက်ရှိပြီလဲ)
3.Million - when
အချိန်ကိုမေးချင်ရင် million
Course ဘယ်အချိန်စမလဲ မေးချင်ရင် - Milloin kurssi on?
4.Mikä/ Mitä ကို အပေါ်မှာရှင်းပြထားပြီးသားမို့မရှင်းတော့ပါဘူး။
Mikä päivä tänään on? - ဒီနေ့ကဘာနေ့လဲ။
Mitä kieltä sinä puhut? - မင်းဘယ်ဘာသာစကားပြောလဲ
5. Miksi - Why
အကြောင်းအရင်း/ reason ကိုသိချင်ရင် Miksi
Miksi sinä et osta jäätelöä? - မင်းဘာလို ရေခဲမုန့်မဝယ်တာလဲ။
6.Minkämaalainen - What nationality
လူမျိုးကိုမေးချင်ရင် Minkämaalainen
Minkämaalainen Pedro on? - Pedro က ဘာလူမျိုးလဲ။
7.Missä - where
နေရာကိုမေးချင်ရင် - Missä
Missä te asutte? - မင်းတို့ ဘယ်မှာနေကြလဲ
8.Mistä - from where
ဘယ်နေရာကလာလဲကို မေးချင်ရင် - Mistä
Mistä sinä olet kotoisin? - ဘယ်နိုင်ငံကလဲ (ဒီနေရာမှာ နိုင်ငံ (maa) ဆိုပြီး မပါပေမဲ့ ဘယ်နိုင်ငံကလာလဲမေးနေတယ်ဆိုတာ သိပါ)
9.Mihin - to where
ဘယ်ကိုသွားမလဲမေးချင်ရင် - Mihin
Mihin tämä bussi menee? - ဒီဘတ်စ်က ဘယ်ကိုသွားတာလဲ။
10.Millainen - what kind of
ဘယ်လိုအမျိုးအစားလဲ (ကောင်းလား၊ ဆိုးလား) မေးချင်ရင် - Millainen
Millainen sanakirja on? - dictionary ကဘယ်လိုမျိုးလဲ
ဒုတိယအပိုင်းကကျတော့ Yes/ No question ပါ။ Eng လိုပါပဲ Fin ရဲ့ Yes/ No question တွေအားလုံးသည် verb to be (olla) နဲ့စပါတယ်။
Olen
Olet
On
Olemme
Olette
Ovat ဒီစာလုံးတွေနဲ့စပါတယ်။ ဥပမာ စာကြောင်းတစ်ကြောင်းနဲ့ ပြောပြမယ်နော်။
Sinä olet suomalainen. - မင်းက ဖင်းလူမျိုး။
1. အဲ့တော့ Yes/ No ပြောင်းမယ်ဆိုရင် verb to be ကို ရှေ့ထုတ်။
2. ဒီစာကြောင်းမှာ verb to be က olet
အဲ့တော့ olet sinä suomalainen
3. ဒီတိုင်းမပြီးသေးပါ။ Question ဖြစ်လို့ olet+ko ဆိုပြီး olet နောက်မှာ ko ထည့်ပေးရပါတယ်။
ဒီတော့ oletko sinä suomalainen? - မင်းကဖင်းလူမျိုးလား
ဒါသည် Yes/ No မေးခွန်းပြောင်းနည်းပါ။ GRAMMAR ပိုင်းကတော့ ဒီလောက်ပါပဲ။ နောက်တပိုင်းကတော့ fun အပိုင်းပါ။ စာကြည့်ရတာများလို့၊ စာမရလို့ စိတ်ဓာတ်ကျ၊ စိတ်ညစ်လာခဲ့ရင် အပျင်းပြေ သီချင်းgame လေးဆော့ကြည့်ကြပါ။ဒီlink ကနေတဆင့် ဝင်ဆော့လို့ရပါတယ်။ (app လည်းရှိလို့ download လုပ်ပြီး ဆော့ကြည့်ပါ)
- Write/Choose Mode ဆိုပြီး နှစ်ခုရှိလို့ ကိုယ်ကြိုက်တာ ရွေးပါ။ -
အလွယ်အခက် level ကိုလည်းရွေးလို့ရပါတယ်။
Don’t forget to have fun while studyingသတင်းကောင်းပါဗျ။ ဒီနေ့အတွက်အိမ်စာမရှိပါဘူးနော်။
.jpg)
Comments
Post a Comment